政情：彭徐美雲憂女童軍唔識煮食

女童軍總監彭徐美雲上任之後，依家正忙於籌辦年底舉行嘅女童軍大露營活動，呢類活動本來係訓練野外生活，但彭太就擔心啲女童軍可唔可以煮食，莫講話切菜生火啦，就算係食落肚嘅菜餚都可能未熟透，所以諗過搵餐飲公司代勞，但又擔心失去結繩紮營、獨立求生嘅意義。

再三思考，彭太都係決定搵機會畀啲女童軍試吓煮一兩餐飯仔，咁至可以體驗野外生活嘅趣味喎！呢一日彭太同阿仔彭穎生（Victor）一齊出席菁英會活動，Victor曾經歷過六年童軍生活，對呢啲活動一啲都唔陌生。

「Money18免費即秒股票報價網站」現推出8升級功能，財經資訊，實時實發！

彭徐美雲（右）考慮喺年底女童軍大露營時，畀佢哋試吓野外煮食。左為兒子彭穎生。