政情：鼠王芬兜大圈避會林武
發表「選民懲罰論」激慶唔少選民嘅專業會議立法會議員梁美芬（鼠王芬），民望一直插水，仲有傳畀多個政團部署搶佢個位添。有說，鼠王芬能否保住議席，關鍵在於中聯辦九龍工作部部長林武呢個大靠山會唔會力撐佢到底。
繼早前出席美髮美容業商會就職禮後，鼠王芬同林武尋日又不約而同出席公屋聯會就職典禮。不過，現場所見，兩人同上次一樣零交流，既無互動，仲一見對方行近就自動彈開。事關鼠王芬同林武都坐喺前排主禮嘉賓席，但就相隔兩個位，如要上座，最簡單方法係喺台前較為闊落嘅通道直接行過去，但鼠王芬唔知做乜，山長水遠由後排兜個大圈行番上前排就座。莫非鼠王芬真係咁驚被人要求佢同林武合照？
鼠王芬（箭嘴示）由後排兜個大圈行番上前排就座。