政情:新特首辦惡搞成地獄

煲呔曾為搬入新政府威威,喺添馬艦新政府總部沙塵滾滾、四處都係爛地盤時就開始遷入,仲逼班建築工人加班趕工,有網民對煲呔曾嘅好大喜功睇唔過眼,惡搞新特首辦圖片贈興,相信到正式入伙後,一定會好戲連場!

社交網站facebook上有個「惡搞上亞厘畢道」群組,畀網民惡搞新特首辦圖片,以洩不滿。第一幅惡搞圖片係將煲呔曾去年推銷政改方案嘅「起錨」口號,改為當時熱爆嘅「超錯」,變成牌匾掛喺特首辦門口。

第二幅惡搞圖片就係將特首辦入口大堂牆上個區徽換上「地獄」兩個字,呼籲一班公務員逃離地獄。仲有喺特首辦個客廳三面牆貼上被指為「鐵三角」嘅三位疑似特首候選人相片。

「Money18免費即秒股票報價網站」現推出8升級功能,財經資訊,實時實發!

新特首辦入口大堂牆上區徽被換上「地獄」兩個字。