政情：孫啟烈話冇人唔妥佢
貧富懸殊日益嚴重，夕陽政府束手無策，社會上掀起仇富仇商情緒。不過，工業總會名譽會長孫啟烈尋日話︰「我自己都係有錢人，唔覺有人對我唔妥。」又話香港人唔係妒忌有財富嘅人，話仇商只係因為有啲人賺到錢，濫用地位「撈過界」喎！
孫啟烈話一個人努力做到成為老闆係會受人尊敬，仲舉例話：「有啲人搵到錢捐出來，啲人唔會鬧佢o架，都冇人鬧（娛樂大亨）邵逸夫、（已故電器大王）蒙民偉o架。」仲話如果香港係仇商，佢就唔會做呢個位咁話。
佢仲話，啲人話仇富仇商係因為有壟斷，「人哋生意好啲就瘋狂加租，仇係主要出現喺地產。」佢認為政府應該立法反壟斷，因為依家講緊嘅競爭法針對唔到啲超市、油公司，只係搞到啲中小企。
孫啟烈話雖然自己係有錢人，但唔覺有人唔妥佢。