政情：周國豐夫婦奪皇室眷侶獎
前晚有個緍紗珠寶騷，唔少城中名人都有捧場，霍震寰女兒霍思緯同時裝設計師譚燕玉仲獲大會頒發閃耀后冠大獎；大家樂太子女陳浩寧則獲非凡魅力大獎，而已故名人周啟邦嘅仔周國豐同太太則獲皇室眷侶大獎。周國豐育有一子，問起會唔會再追多個時，佢透露同太太有兩年計劃，希望追一個女，湊成一個好字。提到媽媽周譚月清時，佢話媽媽近日深居簡出，只係間中同友人茶敍。
準新娘Amanda S.穿上華麗高貴嘅婚紗同戴上閃爍耀眼的鑽飾，為婚紗珠寶騷行壓軸，似係預演自己嘅婚禮，佢一臉甜蜜咁話：「我理想嘅婚禮就好似一場皇室婚禮咁，希望我嘅婚禮可以做到盡善盡美。」
周國豐同太太希望再追一個女，湊成一個好字。