深圳大學生運動會快將開幕，今日會舉行第一場火炬傳遞活動，二百一十一個火炬手中，國際知名鋼琴家郎朗都係其中之一，另外仲有港協暨奧委會義務副秘書長霍啟剛、藝人曾志偉等。郎朗話佢連跑邊一段都唔知，但平時做開健身，跑步傳火炬冇難度。
另外，以佢為名嘅「郎朗國際音樂基金」尋日都搞咗個獎勵計劃，宣布咗兩個琴藝高超嘅學生得獎，分別係十歲嘅李欣潼、九歲嘅楊雋，郎朗將會為佢哋提供兩年鋼琴指導，尋日即場陪佢哋彈琴時，郎朗已經顯得好肉緊，不時點撥一二。
郎朗昨日現場指導學生彈琴時十分肉緊。
