新鴻基地產非執行董事郭炳湘夫人李天穎不時現身慈善工作，尋日佢以「生命熱線」名譽贊助人及理事會主席身份出席一個義工嘉許禮，又掏荷包支持現場嘅義賣活動。問到郭太有乜方法減壓時，佢透露：「每日都會做meditation（冥想）。」透過靜思、洗滌心靈減壓，都係一個好方法噃。
郭太尋日一身輕便貼身褲裝到場，除咗幫手頒獎之外，又巡咗現場嘅攤位，仲用八十蚊買咗兩包黑芝麻糊及燕麥薏仁漿沖粉，郭太唔通鍾意自己整嚟食？佢就話：「買畀媽咪。」仲直認自己不善落廚。
郭太喺工作人員陪同下巡攤位。
郭太買咗黑芝麻糊及燕麥薏仁漿沖粉，盛惠八十蚊。
