政情：諸葛紫岐買傢俬一肚氣
雖然城中有句氹消費者嘅說話：「顧客係上帝。」但名模諸葛紫岐（Marie）最近就遇到件消費者谷氣事，到依家都仲未解決，最慘係累到個工人要瞓梳化幾日。
諸葛紫岐搬新屋，需要添置一啲傢俬，日前佢就買咗張雙層碌架床安置工人，點知張床送咗嚟，但傢俬舖工人安裝到一半就走咗，話因為零件未配備齊全，第日就會再嚟執手尾。點知一等就幾日：「我等咗好幾個明天，都未見有師傅來」。
諸葛紫岐激到紮紮跳，而且因為呢間公司係冇電話打，只可以發郵件通知公司，就係呢種單向溝通，搞到諸葛紫岐依家都未知幾時先有人嚟執手尾。