政情：林嘉寶配音蝦碌 NG廿次
名媛林李婉冰女兒林嘉寶為Judy虞茱迪嘅LeSportsac全新電視廣告配音，尋日專程去活動捧場。Judy透露廣告特別去台北取景，仲搵咗著名導演同音樂人一齊合作拍攝廣告。首次擔任配音嘅嘉寶笑言配音時好緊張，仲NG咗二十幾次，佢話：「因為Judy話我唔夠感情，要做到好似平時講電話咁真實，個廣告有廣東話版同英文版，英文版自己就流暢點。」
嘉寶又話暑假後就升上大學，問佢有冇搵暑期工？佢話過去兩年都有喺商台做暑期工，但今個暑假爸爸就要佢好好休息，迎接大學新生活，佢將會喺大學修讀法律系。
此外，問到今次配音有冇收酬勞？旁邊嘅Judy笑住話：「封咗一封大利是，利利是是嘛！」
