政情：何紫綸高踭鞋楔渠(火羅)爆
阿Ann何紫綸任網上節目主持，日前佢請嚟師弟譚晴同台灣藝人綸彥霖一齊行街，分享買鞋趣事，Ann笑言：「有次着高踭鞋行街，點知行過坑渠嗰時，個鞋踭楔咗落去，嗰下都幾！」綸彥霖就話旅行時買咗心頭好，點知返到台灣先發現對鞋係鴛鴦嘅，只好放喺屋企珍藏。
此外，Ann話同乳癌基金合作推出處女相集，除咗張栢芝會為佢寫序，佢更邀得好友Alley陳樂榣幫手，佢話：「我諗住一邊影，Alley就一邊畫，之後拎嚟拍賣！佢可能會睇晒我全相！」而譚晴就話想舉辦簽唱會同座談會，讓佢可以多接觸fans，佢話：「咁啱我去嘅時候遇到嚴爵舉行呢類型活動，我覺得幾特別，同埋可以有多啲機會交流吖嘛！」
何紫綸（中）帶譚晴（左）同綸彥霖（右）一齊行街。