短打長擊：魔法治港時代

煲呔曾「執政為民」的混沌歲月已進入倒數階段，最後一次施政報告將於十月出籠，現時進入諮詢期。講起又好笑，煲呔曾當特首七年，吹噓甚麼六大產業、十大基建，全部都是薰風，陶醉的只有煲呔曾及其班子，而回歸後真正的香港，卻是反中亂港有運行，貧富懸殊，樓價飛升，老人福利原地踏步……咁搞法，就算有再多諮詢，長遠規劃都唔會驟變成阿拉丁神燈，你估家陣係魔法治港，捽幾捽，想要乜就有乜咩？

煲呔曾任內，管治危機一個接一個：擴大政治問責制的「八國聯軍治港」、慳電膽之疑似「益親家」、亂派錢之史上最廢財政預算案、替補機制不經諮詢強行立法、菲傭居港權之司法覆核危機等，仲好意思話視民望如浮雲，實則係港人批死佢咩料都冇。

最衰嘅係，煲呔曾死要面子，任內一味吹水，以為好有「政治家風範」。其實，如果佢關注民生施政有長遠規劃，那又何須在乎是否在新大樓朗讀最後的「假大空」？做騷是否要奮鬥至最後一分一秒？僭建物拖足六十日才死死氣地肯拆，這不就是典型嘅「香港仔心態」嗎？樣樣都要賺到盡，完全忽略誠信及以身作則的重要。唉！拆僭建又違安全例，剛愎自用，梗係學極都唔知點做「老闆」啦！

一個人是否犯罪，在民主法治的國家，只有依據法律和事實的證據才能定奪，不能說大家一口咬定他有罪就是有罪。煲呔曾是否民心我心，真誠為港人做實事，在民主法治的香港，你找得出一宗，你的力量可媲美上帝。