仁濟醫院同「海外學生會」前晚合辦「海外學生仁濟夜」慈善餐舞會，現場仲有拍賣，一晚就籌到過百萬元善款，仁濟主席李文斌同太太Amanda更同即將升格做爸爸嘅仁濟總理王賢訊上台高歌一曲，齊齊幫手籌款添。
李文斌牽頭嘅團體搞大活動，哥哥李文俊都有到場打氣兼湊熱鬧。呢一晚有物品捐出拍賣，其中又以奔馳香港公司大手筆送出價值六十幾萬元嘅全新平治SLK250豪華開篷跑車最矚目，結果以七十幾萬元賣出。
李文斌夫婦與老友王賢訊（左）大合唱，過足歌癮。
