連任咗八和會館主席嘅阿姐汪明荃尋日出席一個電台節目，講到推廣粵劇工作時，阿姐透露，除咗同康文署籌備油麻地戲曲中心嘅表演外，仲希望第日西九文化區嘅劇場起好後，逢過年、初一等都舉辦粵劇表演。阿姐仲話，不時會同政府開會，商討粵劇嘅未來發展。
尋日聲沙沙嘅阿姐嚟緊就要主演舞台劇，佢話已經食咗十日藥，聲帶問題都仲未解決，自己都好驚影響嚟緊嘅表演。出年阿姐就迎嚟入行四十五年嘅大日子，會唔會搞乜嘢紀念活動？佢話依家仲度緊，仲要睇吓有冇人支持。