政情：浦偉士11月重臨香江
滙豐、恒生相繼交完成績表，恒生銀行副董事長梁高美懿尋日主持記者會時，更提起前滙控主席浦偉士會喺十一月重臨香江，唔講唔知，佢舊年十一月都有返嚟香港，特登去咗馬場睇賽事，咁又係，話晒浦偉士曾經喺香港賽馬會身居要職，更係最後一位香港滙豐大班出任馬會主席添，相信對香港馬圈應該有深厚感情。
浦爵士四五年加入當時的香港上海滙豐銀行，最巴閉係九一年成為滙控首任主席。九八年佢退休後，定居倫敦，退下火線十幾年，但佢間唔中都會嚟香港，與舊時工作夥伴見面敍舊。佢嘅愛將就係啱啱榮休嘅滙豐銀行前中國董事長兼滙控執董，現留任滙控顧問嘅鄭海泉，家陣有充足時間陪呢位舊上司。
香港人對浦偉士並唔陌生，佢十一月重臨香江。