政情：劉鳴煒 嘆接班人唔易做

名人二代雖然含住金鎖匙出世，但做接班人都唔係咁容易嘅。華人置業集團嘅劉鳴煒接班備受睇好，佢尋日出席一個論壇時，都直言接班人唔易做。

游說上一代最難

佢形容，家族生意係冇民主、透明度唔高，尤其係遇上精明能幹嘅創辦人，要游說上一代接受自己嘅意見都唔係次次成功，所以要同上一代多溝通，凡事亦要循序漸進。佢分享經驗時，不時莞爾一笑，似乎接班都有苦有樂。

劉鳴煒大嘆接班人唔易做。