政情：諸葛紫岐遊泰國先甜後辣
諸葛紫岐同呂晶晶早前去咗泰國拍特輯，走訪當地著名度假勝地華欣，旅程途中，佢哋經過「走鬼市場」，眼見當地小販會喺火車軌旁隨意擺賣各類乾濕貨品，直至火車到站，小販至隨即散開。紫岐話：「都係第一次見識到呢啲具民間特色嘅市場！」
紫岐到達華欣，急不及待走入葡萄酒莊試飲葡萄酒，仲親手摘新鮮葡萄，佢大呼：「自己親手摘嘅葡萄感覺分外清甜！」
除咗品嘗葡萄美酒外，佢哋再到另外一間泰式餐廳，品嘗地道泰菜，面對成枱既辣又惹味嘅菜式，怕辣嘅紫岐都要挑戰食辣嘅極限，食完之後雖然有頂唔住嘅感覺，但就覺辣得好味。
