政情：大新陳偉思食品喻私貸
大新銀行尋日宣布推出個清卡數私貸計劃，佢哋嘅產品及市務部主管Vivian陳偉思就用三樣食品比喻個新計劃特點，仲話已經準備晒宣傳攻勢。
究竟食品同私貸有乜關係？Vivian話低脂低油嘅沙律，會令人聯想到個計劃低息；心形蛋糕就代表員工服務用心，例如佢哋聽到有客戶希望有高啲貸款額，所以計劃嘅最高貸款額達一百二十萬元，市場上好少有咁高；最後就係清涼潤喉飲品，等客戶可大聲講出所需，配合佢哋「一開聲就幫」嘅口號。Vivian話除咗會喺報紙賣廣告，佢哋仲請咗攞過金像獎同金馬獎嘅名導演陳果拍廣告，期望有令人耳目一新嘅感覺。
