職員老點長者中暑暈倒

【本報訊】一宗墮軌自殺，完全暴露港鐵安排混亂及緊急應變無能，數千名乘客被點到「陀陀擰」，烈日下喪等接駁巴士一句鐘，有殘障人士撐着拐杖找接駁巴士，卻被職員「老點」幾次，有老翁未等到接駁巴士，已中暑昏倒。

指引不清乘客盲摸摸

在墮軌事發後，沙田站月台及閘口，擠滿逾千名乘客，礙於港鐵無清晰指示及即時廣播，被困車站內的乘客「盲摸摸」，自己找方法離去，一名殘障男子滿身大汗撐着拐杖怒罵：「一時話呢度，一時又話嗰度，都唔知發生乜事！」 接近港鐵出口的巴士站，擠滿轉車人群，更有人不守秩序打尖，場面混亂。在酷熱天氣下，不少人等到「火都嚟埋」，鬧爆港鐵：「淨係識加價，服務就不知所謂！」「等到今晚呀？」「由深圳嚟都到咗啦！」每當接駁巴士駛至，乘客即蜂擁而上，及至列車恢復服務，排隊多時的乘客又從巴士站趕返月台，如同走難般狼狽。