SUN世代：幾困難都唔Say No！
「有餸要食飯，冇餸都要食飯，就算幾困難都好，我都唔會輕易接受『No』做答案！」Alan出名要求嚴謹，不僅對自己要求高，對下屬亦然。現時AMTD有四百名財富策劃師，Alan採用銀行式培訓，員工全部樣樣皆精，投資、保險、基金、強積金，全部都要識！
向兒子灌輸投資概念
Alan育有一子，已經十四歲，他教仔也有一套：「我會向兒子灌輸投資概念，例如去海外升學咁，當中包括匯率問題，我會教佢乜嘢係匯率，匯率點樣影響日常生活。」但他笑言兒子對投資未有興趣，現在最鍾情的是騎馬，「佢學咗好多年，已經好叻，以前我都有陪佢一齊學，但自從佢學到跨欄後，我就停咗，費事跌傷呀！後生仔就唔怕跌啫，我唔想有咁高風險！」
離開銀行創業時，同事在波衫上簽名，送給Alan留念。