政情：音樂鬼才陳奐仁聽覺剩半

新加坡音樂鬼才陳奐仁（Hanjin）尋日做書展閉幕壓軸嘉賓，將自己嘅故事講到好似歷險故事咁，原來佢聽覺只剩一半，自細又要克服先天障礙。

Hanjin透露，佢細個時曾被老師批評佢唱歌唔好聽，又因為扁平足，被勸說放棄運動，但佢唔肯放棄，仲加入咗合唱團、游泳隊同國家欖球隊，後來更喺樂壇取得驕人成績。到十七歲，佢又患上抑鬱症，笑都唔識得笑，雖然兩個禮拜後就康復，但心理上就要十年時間至可以好番晒。

「Money18免費即秒股票報價網站」現推出8升級功能，財經資訊，實時實發！

陳奐仁自爆聽覺只剩一半，但仍堅持自己嘅音樂興趣。