「紅籌之父」梁伯韜做咗意馬國際主席後，工作就由金融慢慢變咗賺細路錢，早排經旗下動漫火車，入股生產同分銷《喜羊羊與灰太狼》品牌童裝嘅凌勵企業超過20%股權，做埋兒童時裝。
梁伯韜話，發展消費品可以增加《喜羊羊與灰太狼》品牌知名度，又可以通過店舖直接接觸客戶，進一步發揮品牌嘅增長潛力。據講，佢哋《喜羊羊與灰太狼》童裝價位，由百幾蚊T恤到幾百蚊外套都有，第一間專賣店將會喺九月出場，今年將會先開四百間店。
長年喺金融市場上打滾嘅梁伯韜，依家做埋《喜羊羊與灰太狼》童裝。
