城中熱論下屆特首，早兩日喺皇后大道中見到新世界主席鄭裕彤（彤叔），問佢點睇近期嘅特首前哨戰同埋睇好邊個疑似特首候選人，彤叔話冇乜留意近期戰況，但就拋出特首兩大條件，第一係有能力管治好香港，其次係要搞好民生問題。
至於有冇心水嘅特首人選，彤叔就話未有心水喎！彤叔呢日着住波鞋，由一個男職員同外籍保鏢陪同下，由中建大廈行出嚟，然後沿過路線橫過皇后大道中，再行返新世界大廈大本營。職員同保鏢都好細心，一人一邊扶住彤叔上落樓梯。
彤叔（中）喺職員同保鏢陪同下出巡，仲開列做特首條件。
