政情：盧敏儀結婚14周年晒恩愛
Kimmy孫敬安同盧敏儀呢對模範夫婦結婚十四年，喺七月二十三日正日暢飲慶祝，少有飲醉嘅敏儀更喺香檳、紅酒同白酒互溝下大醉，心情開懷嘅佢仲話下世都要與Kimmy再做夫婦，又要齊齊做「天使」，認真恩愛，至於Kimmy就送咗兩套靚衫冧老婆。
問Kimmy兩公婆相處之道，佢話：「我哋起初都有鬧交，但當敏儀喺英國讀完法律返嚟，視野闊咗睇嘢唔同晒，我哋都少咗鬧交。不過，做夫婦當然要互相忍讓。」咁蔡楓華有冇道賀呀？佢又話：「蔡楓華都唔知，佢有同我講想喺鄉下三水舉行演唱會，但我已盡晒責任啦，唔會搞啦！」
