政情：貝安琪打風玩命懸崖倒立
劉香萍同女兒Ankie貝安琪尋日為瑜伽DVD造勢，劉香萍話全個系列總共有三集DVD，今次只係頭炮，之後會陸續面世，碟內包括廣東話、國語、英語同德語四種語言，由Ankie負責策劃、劉香萍嘅公司製作同導演，佢話拍攝時同時用上三部錄影機，所費不菲，問到製作費，佢揚言：「用咗七位數字製作費。（即係逾百萬？）係幾百萬呀！」製作費之誇真係令人咋舌。
Ankie透露全碟都喺戶外拍攝，雖然只花了兩日拍攝，但籌備近年，被問到最難忘嘅經歷，佢話：「有次喺山上懸崖邊要做倒立，當時掛緊一號風球，好大風，真係有啲驚。」Ankie亦指瑜伽有助身材健美，仲即場示範胸前合十同扣手兩招健胸。
貝安琪即場示範健胸瑜伽招式。