政情：梁高美懿四招功夫授青少
啱啱攞咗傑出專業女性大獎嘅恒生銀行副董事長兼行政總裁梁高美懿，幾日前去咗青少年軍事夏令營，借四個功夫招式，同二百幾個年輕人分享成功之道。
首先，佢話年輕人最緊要練成羅漢拳同鐵頭功兩招，話80、90後面對住全球競爭，好應該增值自己，亦都要學識同人合作，對唔同意見持開放態度。第三招嘅內功心法係乜？佢話年輕人做事要用心，唔好得過且過，又話做嘢要有決心。佢話八五年上司問佢想唔想去澳洲拓展銀行業務，當時佢都有猶豫過，覺得唔應該丟低兩個女，但之後下定決心帶埋兩個女去澳洲，先至有今日嘅成就。最後一招就係大力金剛腿，佢呼籲年輕人要喺逆境中搵出路喎。
梁高美懿（右）借四個功夫招式，同年輕人分享成功之道。