智能電子產品日新月異，電子書都大放異彩，藝術發展局主席王英偉嘅歌手兒子王梓軒都有新動作，處男下海出版多媒體電子書，佢尋日話好緊張。
王梓軒昨日現身書展宣傳呢本多媒體電子書，雖然笑臉迎人，但佢坦言好緊張：「第一次出書，仲可能係第一個出多媒體書嘅藝人，好緊張！」呢本電子書收錄咗佢呢兩年嘅創作，例如歌曲demo、入行前唱歌片段，仲有莫文蔚錄嘅序等等。佢話，由於有太多嘢想展示，慢慢演變下終於成為家吓嘅多媒體電子書。
王梓軒攞住首本多媒體電子書，好似生咗BB咁開心。
