政情：梁栢賢被上司鬧唔扯火
醫管局行政總裁梁栢賢尋日出席半島青年商會舉辦嘅「點解領袖係領袖」座談會，大講佢細個嘅工作經歷，似乎佢成功嘅一個要素就係EQ（情緒智商）夠晒高，真係值得香港青年借鏡。
梁醫生自爆，曾經做過一個外籍醫生嘅下屬，對方經常用啲唔鹹唔淡嘅廣東話嚟鬧佢，好似話「生舊叉燒好過生仔」，有次仲唔客氣到鬧佢「你食屎屙飯」，冇人聽到呢啲說話會心頭冇火，但梁栢賢就話，好在佢EQ高，一啲都無嬲，仲反問上司呢個係咪公共衞生嘅最高境界，將廢物變為有用呢？佢反唇相稽之後，呢個外籍上司自此以後唔敢再鬧佢嘞！