三月嘅日本大地震已過去幾月，但港人對核輻射嘅戒心就未減低。尋日係周末，研究輻射嘅專家兼城大校長郭位現身書展，開壇大講核輻射，就吸引好多市民嚟聽，未開場，約二百個位已經滿座。
郭校長透露，佢喺日本大地震發生一個月後秘密訪日，而且仲係去距離福島核電廠只有百幾公里、位於仙台市嘅東北大學訪問添，當時日本核輻射危機仲未明朗，對郭校長嚟講，真係學術交流大過天。
郭校長又話，雖然輻射可怕，但其實港人日日暴露喺零點三微希嘅輻射量之下，同日本災區仙台輻射量睇齊，大家唔使杞人憂天喎。