政情：九把刀最愛漫畫海賊王
台灣網絡文學創作者九把刀寫作有成，尋日佢現身書展，大談創作苦與樂，講到部分作品被延遲推出，佢好樂觀分享自己嘅心路歷程︰「奇迹只會降臨在不言放棄的傢伙頭上，絕不可小看奇迹。」
九把刀話自己好熱愛追求夢想，最鍾意漫畫《海賊王》男主角成日大嗌「我要成為海賊王」，後來佢睇手塚治虫嘅作品得到啟發，令喜愛繪畫嘅佢立志要成為漫畫家。起初九把刀都得到爸爸嘅支持，但佢老師就唔係咁諗，搞到佢爸爸都轉軚，仲叫佢好似手塚治虫咁，做咗醫生先再做漫畫家，令佢好氣餒。
座談中，佢又提到，有一年佢媽媽得了血癌同肺結核，佢好憂心，於是開始寫佢同媽媽之間嘅事，仲每月創作一本書，連續寫咗十四個月，認真唔簡單。
九把刀喺書展中分享自己嘅寫作生涯，鼓勵後進唔好輕易放棄。