旗袍好蝦人着，但就最能凸顯東方女性美，名模楊崢尋日出席一個懷舊潮開幕禮，就以旗袍亮相，佢話自己係懷舊之人，亦鍾意古典衣着，去到唔同國家時，都會去跳蚤市場，主攻首飾同手袋，衫就會好仔細揀啦！
楊崢近年開始進攻飲食界，正忙於籌備自己的飲食書籍，暫於今年年尾推出，佢話：「我去咗世界十八個城市，包括美國同歐洲，訪問逾四十個米芝蓮星級大廚，係難得嘅機會。」雖然有時忙到一日搭八、九個鐘車去做一個訪問，但都好難忘。
楊崢嘅旗袍造型，古典中透着時代感。
