娛圈大吹o靚模風，名媛邱李茂琪前晚出席一個活動時，被問到依家好多少女o靚模拍寫真一事，佢點樣保護十歲大嘅仔，佢話：「唔會畀佢哋睇，係零接觸！有次同仔女食早餐，老公見到有關報道，即刻將報道收起。」
不過，佢話兒女都漸漸長大，學校又有教授相關知識，個仔都知道青春期會變聲等等變化。嚟緊佢哋一家仲打算去大阪旅行，開心放暑假。
邱李茂琪同丈夫嚴格過濾資訊，保護仔女免被荼毒。
