工會斥九巴扮蝕錢

【本報訊】九巴母公司載通國際近日發盈警，工會批評九巴此舉乃趁機為今年加薪幅度「壓價」鋪路，並將未來加價申請合理化，質疑載通國際去年賺八億多元，「今年蝕喺邊度？」工會要求九巴今年加薪百分之四點五，以及無條件向新入職員工發放雙糧，否則不排除發起工業行動。

批評大玩數字遊戲

職工盟屬下的九巴員工協會副理事長李國華昨稱，載通國際主要盈利靠發展車廠地皮，並非巴士業務，而公司發盈警時尚未計算廣告等其他收入，實屬大玩「數字遊戲」，「話蝕錢得個講字，舊年賺八億幾，今年會蝕晒去邊？」他斥所謂經營困難，僅屬剝削員工藉口，「新入職員工無雙糧，月薪又同舊員工差七千幾蚊，近兩年培訓十個走九個，單係呢度都浪費五千萬。」。

該會又表示，資方今年提出加薪僅百分之三點六，遠追不上通脹；該會要求加薪百分之四點五，但指資方不承認該會地位，不會與該會進行薪酬談判。