SUN世代：兒時夢想做記者
擁有傑出投資表現的Clement，原來當初的理想不是投身金融界，而是希望從事文字工作：「其實我細個嘅夢想係爬格仔，做記者！我入大學嘅第一志願係中大新聞系，但成績唔夠好，入咗港大讀工商管理，之後就投身商界。所以話，人嘅際遇真係好似命中注定咁！」
但Clement沒有放棄對文字的熱愛，現時最大的嗜好仍是閱讀：「好鍾意睇書！以前會睇好多投資書，但依家完全唔睇，反而會睇故事書，其實都同投資有關係。投資係前瞻性嘅，而故事有好多天馬行空嘅情節，可以豐富自己嘅幻想力，對投資有幫助！」
Clement是金融巨子，但太太卻與財經扯不上半點關係：「太太係教長笛嘅，對財經認識唔深，不過都唔會冇話題，其實反而仲好，同佢一齊可以完全唔諗公事，真正擁有relaxing time！」
Clement與太太慶祝生日，非常恩愛。（受訪者提供）