政情：港燈助漁業應用太陽能
講到慳電，唔單只局限於地面上嘅活動，原來海上嘅都得。電能旗下嘅港燈公司尋日出海，幫啲漁船同漁排喺船上安裝太陽能板發電，供船上電器使用，以取代部分柴油發電，減少污染。據港燈工程及發展董事尹志田講，今次係本港漁業界首次大規模喺漁船上應用太陽能。
尹志田話今次總共撥款約一百萬元，資助約五百艘漁船同漁排，喺船上安裝太陽能板發電。參與計劃嘅漁船包括小船、二十五米以上嘅大船和收魚船等。每艘船隻會安裝一套發電容量為六十瓦嘅太陽能光伏板，目前首批一百多艘漁船已裝妥並開始試用。
五百套太陽能板每年可生產超過三萬度「零排放」的環保電力，為船上嘅照明燈、風扇、充電器等設施供電。若要產生同等電力，預計漁民需要使用九千多公升柴油發電，二氧化碳排放量為二十多公噸。
尹志田（左）指太陽能板令漁民既可慳錢，亦幫到環保。