書展開鑼，好多市民都去「尋寶」。郭晉安尋日就現身書展嘅《公民價值短片製作及標語創作比賽啟動禮》，安仔笑指平時都有替寶貝仔女拍攝短片，佢又話：「影嘅時候，鏡頭要收得好埋，如果唔係，佢哋會好奇去搞。」
安仔又笑指有意帶仔仔到書展購買圖書同玩具，但佢強調自己唔會花數萬元買教材，仲話：「做父母要放多啲時間陪仔女先有用，買貴教材到頭來又係工人陪佢哋係冇意思。我好鍾意同個仔傾偈，引導佢講心事。」
郭晉安強調自己唔會花數萬元買教材畀仔女。
