SUN角度：一場兩租港隊代表嬲爆
康文署除被申訴專員列出的三宗罪，包括縱容炒賣運動場館、現行預訂場地政策過於優惠團體及沒有懲罰失約的預訂團體外，本報更發現，還有重複訂場問題。
香港花式滾軸溜冰代表隊蔡穎怡踢爆，過往多次透過康文署租用場地，卻發現有其他人同時租用同一時段。
「遲啲補番」久未兌現
蔡穎怡指出，滾軸溜冰總會逢周六晚上七至九時，都會為她們預訂筲箕灣愛秩序灣遊樂場的足球場，作為訓練之用，卻多次發生爭場事件，更曾勞煩警方調停，她說：「最近一次係今年三月，當時係選拔活動，但突然有另一團體走埋嚟，話已book咗整個三月嘅場地，我哋雙方都攞住同一時段嘅租場紙。大家為免將事件鬧大，最後同意一人使用一半。」她向康文署職員查問，對方只回應謂：「遲啲補番畀你囉！」但至今仍未兌現。
「球會失約二次，就會一年唔能夠優先租場，對球隊嘅集訓好唔方便，罰半年就差唔多。」
蔡穎怡擔心，康文署的措施會窒礙本港運動發展。