SUN世代：因饞嘴轉戰廚具業
Francis在家具界打滾逾二十載後，轉戰廚具業，原來是因為饞嘴：「我好為食，最鍾意食嘢，咩都會食！我會去掃街，食過卜卜脆嘅蠍子，又食過生八爪魚，會啜住條脷，好好玩！」除了吃，他也不時親自下廚，邀請朋友到他家大快朵頤。
而這位家具達人的家，究竟會有甚麼款式的家品？「屋企嘅傢俬都係白色為主，另外我會擺啲好sharp嘅accessories。傢俬多數都係喺世界各地買，每當買一件新嘅，我就會將全部傢俬大移位！」
突然決定明日去旅行
而Francis的另一嗜好是旅行：「我去旅行都幾瘋狂，試過突然決定聽日要去旅行，又試過去曼谷參加朋友嘅生日派對，廿四小時內來回。我好impulsive，覺得唔需要畀啲框框限死，任何事都有可能發生，最緊要開心！」
將工作變興趣，難怪Francis（前排左二）與一班同事相處融洽。
Francis曾於家具界打滾逾二十載，現時轉戰廚具業。