SUN世代：家具達人將屋變成家

「貪玩」原來可以是成功秘訣！謝國強（Francis）的「擇工要求」是夠好玩、具挑戰性，喜愛家具的他，畢業後隨即投身家具界，由初級員工做起，二十多年的職業生涯中，被多次高薪挖角，幾乎曾於本港所有家品公司出任過管理層。三年前，他轉戰廚具業，仍堅持同一理念：「做人同做工，都係最緊要好玩、開心！我嘅工作係幫人將一間『屋』變成一個『家』，希望可以令人喺屋企都可以開心享受人生！」

整個訪問中，Francis說得最多的，是「貪玩」兩字，而這兩個字，正是他成功之道。投身家具界的經過，亦是由於貪玩，他笑着憶述：「讀書時期好貪玩，我係典型水瓶座，最多只可以集中五分鐘，哈哈！」高考之後，他在機緣巧合下，在一間家品店做暑期工，想不到入行後，一做就是二十多年：「自己行街時都好鍾意睇屋企嘢，於是試吓去家品店做，做落又幾好玩，仲發覺自己嘅興趣比想像中大，一做就好似上癮咁！」

九○年，Francis加入西武的家品部，開展他刺激有趣的事業之路。他由低做起，從銷售員一步一步升至部門經理，並獲得不少難忘經歷及寶貴知識：「當時我得二十歲，已經有機會去世界各地出trip，真係好好玩！接觸到好多唔同層面嘅人，從佢哋身上學到好多嘢！」

返工好似玩咁開心

憑着出色表現，Francis多次被高薪挖角，曾於本港多間家品公司出任過管理層。二○○○年，他加入連卡佛百貨公司，工作極具挑戰性：「公司要求非常高，我做三年好似做咗六年嘅嘢，日日朝九晚十一，試過四個禮拜冇放過假。有次去公幹，坐完十三個鐘飛機去到，即刻衝去展覽會，做完十個鐘之後，就同老闆食飯應酬，夜晚十二點返到酒店先開電腦做嘢！」

工作如此疲倦，Francis卻不覺辛苦：「只要鍾意份工，將工作變成興趣，返工就會好似玩咁開心，自然做得好、有效率！」○九年，他轉戰廚具業，於短短一年半間，躍升至總經理，負責整個亞太區。他矢志繼續秉承其理念，以家具或廚具，將一間「屋」變成一個家：「一個煲或者一隻鑊，唔單只係廚具，仲可以改變你嘅生活模式，令你喺屋企煮嘢食都可以好開心咁享受人生！」

Francis' Profile

現　　職：Berndes亞太區總經理

曾任職企業：西武、連卡佛、住好啲

生活格言：最緊要好玩、開心