利豐集團主席馮國經嘅女兒馮詠儀依家打理家族生意，負責其中一隻男裝品牌，佢話起初都想做女裝，覺得女裝好玩，但做男裝後，覺得好有感情，仲話：「男裝顧客好長情，好多同我哋關係好好，十幾年都着呢個品牌。」至於老公係咪亦要着自家品牌，佢話：「當然，依家換晒我哋品牌，係一個生招牌。」
馮詠儀又話平時亦要周圍飛，基本每星期都要飛一次，以大陸為主。被問到會唔會忽略小朋友，佢就話：「都有少少，好多時早上送佢哋返學或者食晏，不過同小朋友相處重質唔係重量，現代女性好多都要工作。」
馮詠儀話老公都做埋自家品牌生招牌。
