政情：王光亞長毛緣慳一面
立法會主席曾鈺成上任做主席時，曾經承諾爭取帶全體議員上京，但四年任期過咗三年，佢嘅承諾仍未實現。佢尋日爆料話，早前港澳辦主任王光亞訪港，有機會會見全體議員，包括「長毛」梁國雄，但最後都係未能成事。
曾鈺成話，早前王光亞訪港，長毛搵佢傾偈，要求佢代為轉告王光亞，話希望王光亞可以去立法會演講，但曾鈺成反問長毛，如果長毛掟嘢點算，但長毛就一口答應，話自己唔會搞事。曾鈺成將長毛嘅建議反映，話希望王光亞同議員有正式會面。佢話起初王光亞都願意，但基於一個不能解釋的理由，終於不能成事，都唔知係唔係中央嘅意思。