政情：阿Paul白姐姐加國剝光豬
香港人體藝術協會會員之前去完法國天體之城Cap d'Agde考察後心郁郁，想香港都整番個，於是就走咗去立法會旅遊界議員阿Paul謝偉俊嘅辦事處剝光豬請願。
其實阿Paul以前都同白韻琹去過加拿大著名嘅天體海灘Wreck Beach。佢話成個海灘啲人都唔着衫，佢哋着住唔係幾好，所以都一齊「大解放」，覺得幾得意咁話。白姐姐怕阿Paul尷尬，所以偷偷幫佢影咗張相留念，但白姐姐就點都肯畀阿Paul影自己。
雖然阿Paul覺得香港有天體沙灘嘅話，會對旅遊業有幫助，亦可以表現出香港社會開明自由嘅一面，但係要真正推行嘅話會有一定難度。
謝偉俊當年曾拍攝半裸照宣揚法律是與生俱來，夠晒開放大膽。（資料圖片）