政情：陳鏡沐省靚TMA招牌

金融機構一向好講資歷架構同認可，市場要求都愈嚟愈高，金管局牽頭成立嘅財資市場公會（TMA）就有新搞作，今日將會宣布推出《行為及常規守則》同新專業資歷架構，仲希望個架構影響力最終好似香港證券專業學會個試咁大影響力。

信銀國際財資部執行副總裁兼司庫Woody陳鏡沐喺財資界打滾多年，近排仲履新成為TMA理事會成員，兼任財資市場公會事務委員會成員，佢話希望透過推動TMA旗下嘅全新專業資歷架構，提升行業水準。

Woody話，TMA嘅第一級考試已推出，由TMA與香港公開大學合辦，佢仲預告第二級考試由TMA與香港大學校外課程合辦，即將推出，TMA專業資歷架構嘅最終目標，係好似香港證券專業學會對證券市場從業員咁強嘅影響力。