政情：四叔捐車贈藥惠及粵病人
冼國林師傅依家係國藝揸fit人，為咗搞好「西樵山夢工場」呢個項目，真係勞心勞力。尋日一次過搞第一期工程奠基儀式、黃大仙祠落成儀式、醫療中心同流動醫療車啟用儀式，而贈醫施藥嘅醫療中心同流動醫療車，原來都係由李兆基基金會主席「四叔」李兆基博士所捐贈。
冼國林話醫療中心旨在為有需要嘅人士提供免費中醫服務，服務對象包括廣東省的困難戶、五保戶、孤寡老人等。有幾位經驗豐富嘅執業中醫師長期駐診，每天為首三十位患者免費贈醫施藥。此外，中心亦備有兩輛流動醫療車，每天專車送醫、送藥下鄉，為居住在缺醫少藥偏遠山區嘅居民送上健康和問候。
四叔尋日就冇現身，但就見到佢嘅親家徐傳順（徐子淇父親）同埋「新金王」黃英豪，佢哋都係香港資源嘅執董。
