獲頒銀紫荊星章嘅「聲哥」林家聲，尋日喺契仔同兒子陪同下，出席「博精深新—林家聲藝術人生」展覽開幕活動，聲哥坐住輪椅到場，接受傳媒訪問，雖然說話好流利，但之前患有柏金遜症嘅佢難免有啲手震。
多件展品中，聲哥坦言最珍貴嘅係一件「化蝶」裝，因為上面嘅花係由佢太太親手畫，佢坦言大部分演藝服裝都係由太太設計、整配飾，所以今次展覽除咗會戲迷外，更可藉此懷念太太嘅功勞。睇到咁多戲服會唔會技癢？佢坦言：「唔會，想將自己學到嘅交畀舞台，畀後人參考。」
林家聲後面件化蝶裝嘅花係由佢太太親手畫。
