政情：361度推子品牌有心思
各行各業做生意，最想用家牢牢記實自家logo，皆因呢個嘜頭如果成功植入消費者腦袋，可以幫公司大大提升商譽之餘，生意額隨時長升長有，所以361度適逢福建晉江市做緊明年春夏季訂貨會，就趁機喺會上推出子品牌「尚」，增加子品牌曝光率，真係不得不讚361度主席丁輝煌有計。
驟眼望落去「尚」個標誌，可能會以為淨係得個中文字，但原來暗藏玄機，睇真啲，個設計巧妙集合公司名稱「3」、「6」同「1」為一體。據「尚」嘅品牌設計師王林傑介紹，「尚」主要出運動同時尚休閒並重嘅產品，以高端運動時尚為定位，講到明針對嘅消費群以經濟發達沿海城市、十八歲至二十五歲年輕人為主，仲要對時尚敏感咁話。
361度主席丁輝煌趁福建晉江市舉行明年春夏季訂貨會，推出子品牌「尚」。（資料圖片）