險掟中指揮車人心惶惶

【本報訊】前晚酒樽空襲現場，剛位於警方長期派駐監控鏹魔的指揮車停泊位置附近，有街坊直指「酒樽狂徒」分明挑戰警方，同時令人感覺「警察喺度都冇用！」有網民則諷刺：「搞咁耐都拉唔到人，又係不了了之，啲差佬淨係識泊架車係度做吓樣，遲早肯定又出事！」

事件令行人專用區再度人心惶惶，住戶及商戶紛紛勾起鏹魔恐怖回憶，前晚警方在現場調查時，已有途人不斷查問：「係咪鏹魔呀？」警方在案發後匆匆加強保安，久違的「人肉天眼」又再出現於大廈天台，輪流派兩名警員進行高空監視。

在附近大廈樓梯口賣龍鬚糖的女檔主表示，事發時已收檔，昨日開檔才知道有啤酒樽空襲，擔心再發生同類事件，坦言：「梗係驚啦，成個啤酒樽跌落嚟喎，仲係檔口對出添！」

另有化妝品店職員稱，當時見在場的警察大為緊張，以為又有人掟鏹水彈，雖然事後知道是酒樽，但都「分分鐘死人」，近日均會在有簷篷的地方出入，以免中招。