SUN世代：與寶貝仔如熱戀情侶
Brian與太太是在英國讀大學時的同學，二人於○七年拉埋天窗，兩年後誕下長子，而幼子則於兩個月前出世，組成一個幸福家庭。Brian提起愛兒，即滔滔不絕：「睇住兩個囝囝慢慢成長嘅過程真係好奇妙，每日返屋企見到佢哋都好開心！個個禮拜我都會帶佢哋出去玩，又會自己煮好多唔同嘅嘢畀佢哋食！」
長子一歲識晒26個字母
Brian與寶貝仔更如熱戀中的情侶般，難捨難離：「無論去邊度旅行都一定帶埋BB，唔會覺得麻煩，因為我好錫佢哋！」Brian的長子Andreas沒有遺傳父親對數字的興趣，反而喜歡英文，一歲時已經懂得二十六個英文字母：「囝囝好鍾意英文，可能有啲天分，佢玩砌字遊戲會砌到好多英文生字，有次去英國，佢識讀好多喺街道嘅英文字！」