曾憲梓嘲曾蔭權「鬧到仆街都唔走」

曾蔭權政府民望插水，但仍拒絕道歉。前全國人大常委曾憲梓發炮回應曾蔭權，指對曾蔭權政府「鬧係有用」，正如早前替補機制要「鬧完先推遲」。曾憲梓談到做特首要有廣闊胸襟時，突然爆粗說：「做特首要預咗畀人鬧到仆街」，又明褒暗貶地稱，曾蔭權就算被人鬧到「仆街」，都會盡心盡力完成任期。有學者指曾憲梓的說話，是對曾蔭權宣洩不滿。

曾蔭權在上周的答問大會中，忽然指有政治人物經常批評政府，向政府「抽水」建立自己形象。屬左派元老的曾憲梓昨日出席一個活動時，被問及曾蔭權的「抽水論」時，表示不太認同。他指「鬧政府都有用」，因為不論是否公職人員，「只要政府做得唔好，當然要講出嚟。」

談及下屆特首三大熱門人選時，曾憲梓坦言自己與三人都是友好，而三人都符合港澳辦主任王光亞所提的三點要求。當曾憲梓提到下屆特首要有「畀人鬧嘅心理準備」時，就突然衝口而出說：「準備做特首嘅人，要預咗畀人鬧到仆街，我擔心佢哋辛苦，但都要準備畀人鬧、有思想準備、鬧得幾多都要應付到，要放開個心胸！」　　

提到曾蔭權再次「爆粗」

被問到為何下屆特首要有心理準備被鬧時，曾憲梓沒有正面回應，但當其後提到曾蔭權時，就第二次爆粗，先說曾蔭權並非看守政府，又突然「大讚」曾蔭權，指以他的性格，一旦接受中央委任後便會非常負責，不會隨便辭職下台。「你點樣鬧佢，鬧到佢仆街，佢都會盡心盡力去做，佢唔會話被人鬧就走了去唔做，這一點要讚吓佢。」

城大專業進修學院學術統籌宋立功指，曾憲梓的言論反映愛國陣營對曾蔭權已不存厚望，甚至以冷眼旁觀態度看待。「曾憲梓好少咁講，佢嘅說話，好明顯係擔心曾蔭權一手種下嘅禍根，要下幾屆政府承受惡果。」他又認為曾蔭權七年來對特區政府沒甚貢獻，反而留下一個又一個的政治炸彈，令左派陣營對曾蔭權的評價極之負面，估計曾憲梓昨日言論，主要是向曾蔭權宣洩不滿。「近期愈來愈多左派人士，都覺得曾蔭權係無間道，不斷畀政治彈藥泛民，累死建制派。」