SUN世代：屢與死神擦身而過

正值盛年，而且身體健康，Francis離死亡理應很遠。但原來自中學開始，死亡不斷與他擦身而過，「第一次覺得離死亡好近，喺中五嗰陣，成班同學去西貢划艇。」獨自划着小艇，卻遇上大風浪，無法控制小艇，他只能隨水漂浮，「攰到喺艇上面瞓着咗，好彩之後喺海中心撞到兩個同學，個心都定番啲。」三人在海上不斷漂浮，數小時後才被海浪衝上岸，卻發現已身處大埔。

沙士住淘大 唔敢叫落車

而震驚全球的911事件，則令Francis再度感受到死亡的可怕，「911發生嗰陣，我喺美國參加緊一個展覽。雖然我唔喺附近，但係嗰陣都好驚，唔知啲恐怖分子下一步會炸乜！」身在異鄉目擊浩劫，他唯一可做的，就是盡快回港，「嗰刻真係乜都唔理，有機位就上，務求最快返嚟香港！」

Francis總遇上大型事故，○三年沙士，他住在重災區淘大花園，「當時大家都好大壓力，每日返到屋企都要消毒，又唔敢同隔籬鄰舍傾偈，連搭車都唔敢嗌喺淘大落，寧願遠啲落車行返去！」