政府做咩都唔掂 威信進一步受損

【本報訊】膠袋稅推出至今屢惹批評，不少市民認為當局政策失敗，批評近年政府弱勢「做咩都唔掂」，應盡快撤回徵費計劃，更不應擴大徵費，更有市民認為當局經常「收回」措施反令政府威信進一步受損。有小商戶亦反對當局擴大膠袋徵費，「如果自己袋又未必會收費，費用上繳嘅行政費又太高」，認為擴大計劃只會擾民，無助改善環境。

任職物業管理的呂先生認為近年政府政策「好失敗，做咩都唔掂」，建議當局撤回收費，認為增加教育才屬治本之道。他亦不贊同擴大徵費後不用上繳，更應擱置計劃，「咁樣將膠袋稅完全扭曲，費用唔應該成為商戶嘅利潤。」

店舖斥擴大徵費擾民

於旺角有兩間分店的大中體育用品有限公司分店店長張先生，亦反對擴大徵膠袋稅，「我哋嘅貨物有時好大件，好難唔畀膠袋，如果唔使上繳亦即係無王管，畀唔畀都冇人知，措施好擾民。」同樣位於旺角的匯瑞超市負責人余先生亦認為，擴大徵費不應一刀切，「如果附近舖頭唔收，咁我哋怕得失客人又唔敢收，喺細舖頭推膠袋稅即係為難我哋，收埋啲費用都唔夠彌補生意嘅損失。」他認為政府「成日不理民意，應全面諮詢業界至去做。」